Félagsgjöld 2012-2013

september 7th, 2012 Posted in Ísfólkid | Comments Off

Félagsgjald Íslendingafélagsins í Boston er $40 fyrir fjölskyldur, $30 fyrir pör og $20 fyrir einstaklinga.
The annual dues for the Icelandic Association of Boston is $40 for families, $30 for couples and $20 for individuals.

Please send us e-mail with your name and address when you have made the payment.

Árshátíð Ísfólksins

apríl 11th, 2012 Posted in Ísfólkid | Comments Off

Árshátíð Ísfólksins 2012

Árshátíð Ísfólksins í Boston verður haldin laugardaginn 21. apríl nk. kl. 19.00 / 7 pm
á veitingastaðnum Petit Robert Central, sem er downtown Boston.

http://www.petitrobertcentral.com

Á dagskrá verða frábær skemmtiatriði
auk happdrættis með stórglæsilegum vinningum!

Miðaverð:
$ 50 fyrir félagsmenn sem hafa greitt félagsgjöld 2011-2012
$ 45 fyrir námsmenn
$ 60 fyrir aðra

Innifalið í miðaverði eru fordrykkur og þríréttað hlaðborð.

Hægt er að greiða á öruggan og einfaldan hátt með korti í gegnum Google Checkout.

Einnig er hægt að senda tékka, stílaðan á The Icelandic Society of Boston og senda hann á 

The Icelandic Society of Boston
c/o Gudrun Sigurdardottir
91 Fuller Street, Apt 3
Brookline, MA 02446

Kveðja,

Ísfólkið

Félagsgjöld 2011-2012

nóvember 30th, 2011 Posted in Ísfólkid | Comments Off

Félagsgjald Íslendingafélagsins í Boston er $40 fyrir fjölskyldu og $20 fyrir einstaklinga.
The annual dues for the Icelandic Association of Boston is $40 for families and $20 for individuals.

Please send us e-mail with your name and address when you have made the payment.

Jólaball laugardaginn 10.desember kl. 15-17

nóvember 29th, 2011 Posted in Ísfólkid | Comments Off

Hið árlega jólaball Ísfólksins í Boston verður haldið hátíðlegt laugardaginn 10.desember kl 15:00 – 17:00 í húsakynnum Scandinavian Living Center, (206 Walthan Street, West Newton, MA 2466).

Jólalögin verða sungin, dansað í kringum jólatréð og farið í leiki. Hver veit nema að rauðklæddur vinur frá Íslandi komi með góðgæti í poka fyrir yngri kynslóðina. Félagið býður upp á kaffi, te, djús og mandarínur en félagsmenn eru hvattir til að koma með eitthvað jólalegt góðgæti á kaffihlaðborðið.

Við mælum með því að þið æfið jólalögin með börnunum, en textana má finna efst á síðunni

Allir eru velkomnir, ungir sem aldnir. Jólaballið er kjörið tækfæri til að hitta samlanda yfir kaffi og kökum.

Aðgangseyrir er $20 fyrir fjölskyldur, $10 fyrir einstaklinga

Félagsmenn sem hafa greitt félagsgjöldin fá frítt inn

 

Félagsgjöld:

Fáliðuð stjórn Ísfólksins hefur ekki verið mjög virk í að rukka félagsgjöld í haust. Gjöldin eru $40 fyrir fjölskyldur, $20 fyrir einstaklinga. Félagsmenn fá talsverðan afslátt af viðburðum félagsins. Hægt verður að borga félagsgjöld á staðnum með reiðufé eða ávísun og fljótlega í gegnum Google Checkout hér á þessari síðu.

Sæti í stjórn Ísfólksins og dagskrá vetrarins

nóvember 4th, 2011 Posted in Ísfólkid | Comments Off

Kæru félagsmenn,

Okkur langar til að byrja á að þakka Katrínu Sigurðardóttur og Snævari Sigurðssyni fyrir frábært starf í stjórn Ísfólksins í Boston. Þetta ágæta fólk kvaddi Boston í sumar vegna búferlaflutninga. Djúpt skarð er í starfsemi félagsins við brottför þeirra, ekki síst í samskiptum á Facebooksíðu félagsins.

Þess vegna viljum við nota tækifærið og óska hér með eftir liðtæku fólki til að taka sæti í stjórninni til að sinna Facebook-samskiptum og við að uppfæra heimasíðuna félagsins. Einnig óskum við eftir stjórnarmanni sem er tilbúinn að taka af skarið og leiða starf Þorrablótsnefndarinnar.

Starf stjórnarinnar er nokkuð einfalt, því þarf þó að sinna. Hver stjórnarmaður hefur sitt ábyrgðarsvið og ef einhverjir félagsmenn fá góðar hugmyndir þá eru þeir hvattir til að taka af skarið og koma því til leiðar. Áhugasamir eru beðnir um að senda svar á isfolkidboston@gmail.com.

Dagskrá vetrarins er með hefðbundnu sniði. Bjórkvöld verða einu sinni í mánuði á einhverju af öldurhúsum borgarinnar. Menningardagurinn er einnig mánaðarlega í Scandinavian Living Center í Newton. Þar er krökkunum kennt um íslenska menningu og siði, sungið, föndrað og spjallað um heima og geima yfir kaffi og kökum. Jólaball verður haldið laugardaginn 10. desember og ráðgert er að halda Þorrablót í febrúar, þ.e. ef nógu margir sjálfboðaliðar bjóða fram krafta sína í undirbúningsnefnd. Þá er á döfinni að halda vorleikja-aðalfund í apríl eða maí og síðast en ekki síst verður 17.júní haldinn hátíðlegur.

Með ósk um góðar undirtektir,
Stjórn Ísfólksins
Íris Valsdóttir, formaður
Guðrún Mjöll Sigurðardóttir, umsjón menningardaganna
Greta Mjöll Samúlesdóttir, umsjón með bjórkvöldum
Björg Sæmundsdóttir, umsjón með félagatali og tölvupóstssamskiptum